जे दिसत तस नसत आणि म्हणूनच जग फसत. आजचा हा विषय म्हणजे माझे व्यक्तिगत अजित पवारांना पाठिंबा किंवा त्याच्या विरोधकांना टोला नसून केवळ इतकंच सांगायचे आहे की एक सामान्य माणूस म्हणून बातम्या वाचत असताना त्या बातम्या , त्यामागची भूमिका हे त्या लोकांना अधिक माहिती असतात जे ते भोगत असतात पण आपण केवळ त्या बातम्यांच्या अनुषंगाने न्यायाधीश बनून कोण अपराधी कोण निरपराधी हे ठरवत असतो. वैयक्तिक स्वार्थ, राजकीय पद, अभिलाषा बाळगून शरद पवारांना चिकटून राहणारा जयंत असेल की काकाच्या स्वतःच्या मुलाला हातचे देताना होणाऱ्या कुचंबनेतुन स्वतःचा मार्ग वेगळा करत नवीन पक्ष उभारणाऱ्या मनसे असो त्याच्याही काही भूमिका असतील म्हणून ते आहे तिथं उभे नाही का? राजकारण म्हणूजे केवळ चिखलफेक आणि घटनांचा दाखल देत राजकीय फायदा, टीका करण्याचे काम राजकारणी लोकांनी टाळून खरे तर सामाजिक स्तरावर समाजासाठी काम करण्यापेक्षा आपआपली राजकीय स्वार्थ साधण्याचा भाग खूपच खालचा थराचा आहे असा माझा समज आहे. प्रत्येक गोष्टीत खर आणि खोट असत तसच प्रत्येक खऱ्या किंवा खोट्या भूमिकेला त्या व्यक्तीची एक वेगळीच स्वतःची खरी आणि खोटी भूमिका असते. नात कधीच खर आणि खोट ठेरवत नाही आणि ठरवत असत तर जगात वृद्धाश्रम असते का हो? अनाथालय असते का हो? ज्या नात्याला जगात सर्वोच्च स्थान आहे ते पाल्य आणि माता नात इतकं उच्च आहे तर कित्येक माता आपल्या जन्मलेल्या बाळाला फेकून देतात ते समाजाने कसे पहायचे? तीच बालक रस्त्यावर भीक मागताना, काही कुटंणखाण्यात जातात पोहचतात ते कसे पहायचे? त्यामुळे नात आणि घेतलेली भूमिका हा दोन्ही गोष्टीची तुलना करताना ती व्यक्ती त्या परिस्थितीत कोणती भूमिका का आणि कशामुळे घेतो ह्याचा विचार करणे गरजेचे नाही का? की केवळ घेतलेल्या भूमिकेवर बोट ठेवून राजकीय फायदा उडवत बसणाऱ्या ह्या बुळग्या राजकारणी लोकांना उडवून लावायचे हे प्रत्येकाच्या तर्कविवेक बुद्धीवर सोडून द्यावे लागेल पण ही राजकीय धुळवड पाहताना राजकीय लोकांच्या स्वार्थाची कीव करावीशीच वाटते. काका पुतण्या हा वाद नसून त्या वादाची किनार नक्की काय हे पहायला पाहिजे आणि तसे नसेल तर भूतकाळात देखील स्वतःचा स्वार्थ साधण्यासाठी पेशव्याच्या घरात पेशवेपदासाठी झालेला खुनी हल्ला करणारे आणि त्या हल्ल्यात स्वतःचा जीव वाचवण्यासाठी "काका मला वाचवा" आर्त किंकाळी देणारे तरी का घडले असते
